Библия » Псалтирь 28:1
Пераклад Чарняўскага 2017
Псалтирь глава 28 стих 1
Псалом Давида. Воздайте Господу, сыны Божии, воздайте Господу славу и честь,
Psalmus David, in consummatione tabernaculi.
Afferte Domino, filii Dei, afferte Domino filios arietum.
Afferte Domino gloriam et honorem ; afferte Domino gloriam nomini ejus ; adorate Dominum in atrio sancto ejus.
Vox Domini super aquas ; Deus majestatis intonuit : Dominus super aquas multas.
Vox Domini in virtute ; vox Domini in magnificentia.
Vox Domini confringentis cedros, et confringet Dominus cedros Libani :
et comminuet eas, tamquam vitulum Libani, et dilectus quemadmodum filius unicornium.
Vox Domini intercidentis flammam ignis ;
vox Domini concutientis desertum : et commovebit Dominus desertum Cades.
Vox Domini præparantis cervos : et revelabit condensa, et in templo ejus omnes dicent gloriam.
Dominus diluvium inhabitare facit, et sedebit Dominus rex in æternum.
Dominus virtutem populo suo dabit ; Dominus benedicet populo suo in pace.
David. Ad te, Domine, clamabo; Deus meus, ne sileas a me. Ne quando taceas a me, et assimilabor descendentibus in lacum.